Que é unha Señora? Onde bailamos as Señoras? 

A medida que cumprimos anos, cales son/queremos que sexan os nosos espazos para seguir bailando?
Discoteca de Señoras é unha proposta aberta para expor estas preguntas e para comezar a facer estes espazos realidade. 

Trátase dunha pista de baile anfitrionada por Marta Alonso Tejada e a DJ Beallity (Beatriz Alonso) que se desenvolve combinando o formato dun taller de danza con estrutura de discoteca e o espazo de liberdade que caracteriza a todo “dance floor”. 

As dinámicas de danza favorecen a desinhibición e a cohesión grupal. A actividade focalízase no movemento, o encontro a través da danza, o xogo, o retoque, a pose e a experimentación con algúns elementos como ese gran ventilador de aire que move o noso pelo e as nosas roupas de auténticas divas facéndonos voar, flotar e fluír. 

O obxectivo, bailar libre e desenfrenadamente, coma se ninguén nos vise, coma se nada importase. 

Descrición técnica 

Duración aproximada: 1h 

Versións: 

É unha proposta deseñada para ser moi adaptable ao grupo e ao contexto concreto no que se realiza. 

Pódese presentar en diferentes versións: 

- Sesión vermut 1 (Taller / Actividade de mediación) 

- Sesión vermut 2 (Actividade pre-función, antecedendo ao espectáculo Dancin´Queen) 

- Sesión nocturna (Experiencia post-función, despois do espectáculo Bailar Agora) Produción: 

A produción do evento abre o diálogo á colaboración co festival ou programación que o contrata, podendo expandir o alcance da proposta á interacción con outras actividades e propostas. Recoméndase a xestión dun espazo de bar que dispense augas e/o cócteles.